Југохром ќе го плати скапо труењето на тетовчаните, Бројот на болни деца во негово време беше двојно поголем!

Движењето Еко Герила, заедно со движењето Мајка и дете, денес предочуваат на заклучокот на едно од битните поглавја во својата мисија – свеста на граѓаните за опасноста од загадување на животната средина. Од големата поддршка што ја добивме од населението, успеавме да ја завршиме оваа фаза и со вас би сакале да ги споделиме резултатите од овој граѓански притисок. Пред четири години кога почнавме да протестираме, мислевме дека главниот загадувач Југохром ја труе животната средина со околу 40%.

Со официјалните мерења на Министерството за животна средина, оваа фабрика предизвикала 60% од загадувањето во Тетово и околината, со што градот стана еден од најзагадените градови во Европа, според Светската здравствена организација. За време на работата на “Југохром” годишниот просек PM10 изнесуваше 145, со затворањето на истата просечното загадување во 2017 година паѓа на 61. Тетово беше европски шампион во загадување, а денес е на 7 место во Македонија.

Како застрашувачки доказ е бројот на заболени деца на возраст од 0 до 6 години со проблеми со дишењето, каде разликата е скоро двојно помала. Во 2015 година, кога работел Југохром, овој број изнесувал 31.446 случаеви, додека во 2017 година кога не работел овој број се намалил на 18.578 случаеви.

Значи,со фактите со кои располагаме, мисијата на овие граѓански организации не завршува тука. Сега почнуваме со нова мисија – ПРАВНА ПОМОШ за граѓаните чие што здравје е оштетено од страна на ЕКОЦИД предизвикан од оваа фабрика. Во соработка со адвокати, правници и експерти за заштита на животната средина, ќе им помогнеме на сите оштетени граѓани со тужби за да ја надоместат предизвикана штетата. Истотака, ќе поднесеме кривична пријава до Обвинителот за оние кои ја дозволија и предизвикаа оваа бавна СМРТ на граѓаните на Тетово и пошироко. Ние сакаме да веруваме дека Обвинителството и судовите сега се во друга фаза и независни, и ќе го почитуваат Уставот, за разлика од минатото кога беа заробени од страна на политиката и другите странки.

Последиците што денес ги има градот Велес, дури и по 15 години од затворањето на топилницата почвата е загадена а секако се пристутни и негативните ефекти врз здравјето на граѓаните, и со тоа ние не сакаме истото да се повтори во нашите градови. Им честитаме на МВР за подигнати кривични пријави во Битола, против поранешните директори на РЕК БИТОЛА кои со своите постапки го загрозувале здравјето и животната средина на граѓаните. Истата одговорност треба да се бара и за загрозување на животот на луѓето во Полошкиот регион. Воздухот, водата, почвата и животот на граѓаните треба да бидат најзначителни и пред се. Секоја не остварена одштета кон граѓаните на Тетово за овој ЕКОЦИД со фатални последици ќе има тежок одговор од сите нас. Нулта толеранција!

загадување и болести

загадување во Тетово 2012 -2017

разлика градови 2015 - 2017